Έσπειραν απάν' σον κόσμον

τη κορώνας τον ιόν,

έντωκαν την οικουμένην

με τρανόν θανατικόν…

Επωδός

«Τα σκολεία ερημώθαν,

μαγαζία ετσουπώθαν,

βάι, τρανόν κακόν!

‘Ποίκανε τα εγκλεσίας

να μ' ευτάγνε λουτρουίας,

άδικον σον χριστιανόν!»

΄Νάθεμα ψεύτικον κόσμον

τοι τρανούς π' έχνε ισχύν,

ξεπαστρεύνε γεροντάδες,

για τα γρόσα παίρ'νε ψήν…

Σκάλωσανε α΄ς σην Κίναν

κ' επεκεί σην Ιταλίαν,

βίρα ο θάνατον σουμών'

ίλιαμ και σην Ισπανίαν.

Μαύρον τον κακόν πως έρθεν,

τσόκεψεν και σην Ελλάδαν,

τον Θεόν παρακαλούμε

και με τη Λαμπρής λαμπάδαν…