Μια αξέχαστη βραδιά Θεάτρου και Ποίησης στην ποντιακή διάλεκτο σε κείμενα του Κυριάκου Σαχανίδη, υπόσχεται σε όσους θα πάρουν μέρος ο σύλλογος Ποντίων Αγίας Βαρβάρας «Ο ΦΑΡΟΣ» την Παρασκευή 22 Ιανουαρίου 2016, στις 8.30 το βράδυ στην αίθουσα του συλλόγου (Μεγ. Αλεξάνδρου 169, Αγία Βαρβάρα).

Στη διάρκεια της εκδήλωσης θα παρουσιαστούν, «Τ’ ΑΕ ΒΑΣΙΛ’ ΤΟ ΠΝΕΜΑΝ», από την θεατρική ομάδα του συλλόγου. Το έργο αναφέρεται στη σύγχρονη ζωή των νεοπροσφύγων Ποντίων, τα προβλήματα και τις δυσκολίες επιβίωσής τους, αλλά και την αντιμετώπιση τους εκ μέρους της πολιτείας.

Όμως η ψυχή των Ποντίων είναι αδάμαστη, ακούραστη και αναδεικνύεται το μεγαλείο της και η επιμονή της για νέους αγώνες και δημιουργία.

«… Ο Αε Βασίλ-τ-ς κι αν επέθανεν το πνεύμαν άτ’ ζει,

θα ζει για πάντα και θα φωτάζ’ τα στράτας εμουν…».

Επίσης τα μικρά παιδιά του συλλόγου θα απαγγείλουν τα ποιήματα «Αγαπώ» και «Μάνα».

Παραθέτουμε ένα μικρό απόσπασμα από το θεατρικό έργο του Κυριάκου Σαχανίδη, που ολόκληρο δημοσιεύθηκε στο τεύχος 221 του μηνός Δεκεμβρίου 2015 της εφημερίδας ΕύΞΕΙΝΟΣ ΠΟΝΤΟΣ. 

Νικόλας: Και ντο ’κ’ είπε με.

-Είσαι Ρούσος, λέει με.

-Όχι λέγ’ ατον. Έλλενας, Πόντιος.

-Αδά Ρούσικον όνεμαν ελέπω λέει, Νικολάι Καρίποφ.

-Όχι λέγ’ ατον και εβγάλλω το ελλενικόν το διαβατήριον το είχα ασ’ σην πατρίδαν. Νικόλαος Καρυπίδης έν’ τ’ όνεμα μ’, λέγ’ ατον. Εδέκα τα χαρτά μ’ σο υπουργείον πριχού δύο χρόνα αμά ακομάν απόκρισην ’κ’ επέρα.

-Ντο έεις να λές μας, ερωτά.

-Εγώ κύριε εισαγγελέα λέγ’ ατον, σην Σοβιετίαν έμ’νε πηρυνικός επιστήμων, καθηγητής ’ς σο πανεπιστήμιον τη Μόσκας και μέλος τη Ακαδημίας.

-Άφ’σ’ ατα, ατά, λέει με. Για την παρανομίαν πέει μας.

-Ποίον παρανομίαν, λέγω εγώ.

-Το επούλ’νες παράνομα λώματα και τσιγάρα, λέει με.

-Εγώ κύριε εισαγγελέα λέγ’ ατον, πριχού δύο χρόνα εδέκα όλα τα χαρτία σο υπουργείον αμά ακομάν άδειαν ’κ’ εδέκαν εμε. Κάθαν ημέραν πάγω και ερωτώ αμά πάντα ανάμ’νον λέγ’νε με. Εμείς θα καλούμε σε… Κάποιος πα είπε με αν ’κι δεις φακελάκι, άδειαν ’κι παίρ’-τ-ς. Εγώ κύριε εισαγγελέα, λέγω, εύκαιρον φακελάκι πα ’κ’ έχω. Που να ευρίκω και γομών’ ατο κέλα.

Πολλά αΐκα παλαλά έλεε με και ολίγον κι άλλο θα ερούζ’να απάν’ ατ’ να φουρκίζ’ ατον. Το ευτύχεμαν έτον ότι ο πρόεδρον εγροικισμένος και καλός άρθεπος έτον. Είδεν το χάλ’ π’ ευρίουμαι και ασσού ενούντσεν ολίγον είπεν: Αθώος, δάβα ’ς σ’ οσπίτι σ’ αΐκον ημέραν και αμάν εντώκεν το τσακούτζ’ ’ς σο τραπέζ’ απάν’ και είπεν: διακόπτεται η συνεδρίασης… Σίτα εφύουτον, είδα τον να σπογγίζ’ τ’ ομμάτα με το μαντήλ’ν ατ’.