Τ’ εμετέρ’ ντ’ επέμναν σον Πόντον, και εγροικούν που ευρίουν τα ρίζας άτουν, γράφνε ατά ντο λέει η ψύ άτουν. Είνας απ’ ατουνούς έν’ και ο Pontios Pentexorites Trapezuntas, o Μάχον, που ασό Φέισμπουκ, έχ’ με τ’ εμάς πάρε δώσε. Ανεβάζ’ φωγογραφίας, γράφ’ ατά ντο σύρ’ η ψύ άτ’.
Άρ’ ατώρα έγραψεν «Ο Πόντος Μοιρολογά», με το λατινικόν την γραφήν. Ρωμαίικα εγροικά και καλατσεύε, αμάν να γράφτ’ κι επορεί. Εγώ πά με τ’ ατά ντ’ εξέρω, ατά ντ’ έμαθα ασόν πάππον κι ασήν καλομάνα μ’, γράφτα τα με τ’ ελλενικόν το αλφάβητον και επεκεί έχω κι ατά ντ’ έγραψεν τ’ εμέτερον ο παιδάς.
Ο Πόντος μοιρολογά
Μοιρολογούν τα μάνας
Τα παιδία (γαρδέλια) κλέγνε
Του Πόντου τα παιδία
Σο μεϋντάν (πλατεία) κρεμάουν
Εδίωξαν τη Ρωμαίους
Ελλάδα σην Ρωσίαν
Επόμναν μαναχά
Του Πόντου τα ραχία
Ο Θεός όλα είδε
Ντε επήκετε κι ανεσπάλ’
Να ευρίουν τ’ έναν τ’ άλλο
Ούλ’ χαρεμέν’ είμες
Ο Πόντος πάντα ζει
Ας’ είμες ούλ’ σα μακρά
Να έρχουμες σ’ έναν ‘κεκά
Ας είμες ούλ’ σα μακρά.
Ο Πόντιος Πεντεχορίτες Τραπεζούντας, ο γνωστός Μάχος
O PONTOS MIROLOGA
Mırologun ta manas
Ta gardela klegune
Tu pontu ta pedıa
So meydan (Arena) kremanune
Elamsan tın romeus
Ellada sın Rusıa
E pomenan manaha
Tu pontı ta rasıa
O rebıs(theos)olla ıde
Nte pikete tsa nespal
Na evrıhum tenan talo
Ulın haremen ımes har
O pontos panta zoın
Asımes ul sa makra
Narhumes senan tsıka
O kozmon neskutun ortha
Pontios Trapezuntan...
Εάν θέλετεν να ελέπετεν και το φέισμπουκ του παιδά πατέστεν ατό ντο ευρίεται από αφκά ασά αούτα τα γραφάς
